Taravari: Sot më shumë se kurrë botës i duhet paqe dhe siguri

Gostivar, 13 Nëntor – Kreu i ASH e njëherit edhe i qytetit të Gostivarit, Arben Taravari ka reaguar pas sulmeve të ndodhura sot në Stamboll.

Me zemër e mendje jemi me popullin turk dhe të gjithë që pësuan, si dhe dënojmë ashpër sulmet e këtilla terroriste që marrin jetë të njerëzve të pafajshëm, ka shkruar mes tjerave Taravari.

Të gjithë jemi të tronditur nga shpërthimi në Stamboll. Në emër të Aleancës për Shqiptarët shprehim ngushëllime për viktimat dhe lutje për të gjithë të lënduarit. Me zemër e mendje jemi me popullin turk dhe të gjithë që pësuan, si dhe dënojmë ashpër sulmet e këtilla terroriste që marrin jetë të njerëzve të pafajshëm. Sot më shumë se kurrë botës i duhet paqe dhe siguri, ndërsa njerëzimit unitet dhe solidaritet.