Shkup, 7 janar – Besimtarët ortodoks në Maqedoninë e Veriut sot e festojnë lindjen e Krishtit – Krishtlindjen.
Në të gjitha tempujt kishtarë të Kishës Ortodokse të Maqedonisë sot mbahen liturgji për Krishtlindjet.
Shënimi qendror mbahet në Kishën kryesore “Shën Klimenti i Ohrit” në Shkup, ku ipeshkvi i Ohrit dhe i Maqedonisë z.z. Stefani do ta mbajë liturgjinë.
Me rastin e Krishtlindjeve, Ipeshkvi i Ohrit dhe i Maqedonisë z.z. Stefani bashkë me sinodin e shenjtë të KOM- Ipeshkvinë e Ohrit, deri te priftërinjtë, monarkët dhe deri te të gjithë besimtarët dërguan urim për Krishtlindjet në të cilin u urojnë paqe dhe bekim nga Zoti, duke i përshëndetur me përshëndetjen e madhërishme – Lindi Krishti!
Festa e Krishtlindjeve festohet në kujtim të lindjes së Jezu Krishtit. Kjo festë është gjenezë e të gjitha festave kishtare, për shkak se me lindjen e Krishtit llogaritet edhe fillimi i erës së re.
Në fund të dhjetorit, Patriarku Ekumenik Bartolomeu botoi letrën e Krishtlindjes në gjuhën maqedonase për herë të parë në histori, pasi më 9 maj të vitit të kaluar Sinodi i Shenjtë i Patriarkanës Ekumenike, i kryesuar nga Patriarku Bartolomeu, vendosi të heqë skizmën e gjatë që i është imponuar Ipeshkvisë të lashtë të Ohrit, gjegjësisht KOM-it, duke e njohur hierarkinë kishtare të ipeshkvit Stefan si kanonike dhe të vlefshme në botën panortodokse dhe duke vendosur bashkësi kanonike e liturgjike me të.
Në qershor të vitit të kaluar në Katedralen e Patriarkanës Ekumenike “Shën Gjergji Fitimtar” në Stamboll, Patriarku Ekumenik Bartolomeu dhe Kryepeshkopi Stefan i Ohrit dhe Maqedonisë mbajtën Liturgjinë e parë të Shenjtë të përbashkët Patriarkale dhe Sinodale pas pritjes së KOM-IO në unitet liturgjik dhe kanonik me kishat e tjera ortodokse.
