Gjatë një kontrolli rutinë policor në Kumanovë, te një 40-vjeçar nga ky qytet janë gjetur dhe konfiskuar 28 çelësa universalë si dhe mjete të ndryshme për hapjen e bravave.
Nga Ministria e Punëve të Brendshme njoftojnë se ndaj personit është ngritur kallëzim penal për ekzistim të dyshimit të bazuar për kryerjen e veprës penale “përpunim dhe sigurim i armëve dhe mjeteve të destinuara për kryerjen e veprës penale”.
“Sipas informacioneve, më 14 janar në Kumanovë, zyrtarët policorë kanë kryer kontroll në një automjet udhëtarësh, në të cilin ndodhej i dyshuari së bashku me një person tjetër. Gjatë kontrollit, në automjet janë gjetur dhe sekuestruar 28 çelësa universalë për hapjen e bravave, mjete të ndryshme për hapjen e bravave si dhe sende të tjera”, thuhet në njoftimin e MPB-së.
Rasti po dokumentohet dhe ndaj të dyshuarit do të vazhdojnë procedurat e mëtejme ligjore.
