Në fund të ndeshjes së mbrëmshme të Ligës së Evropës mes Eintracht Frankfurt dhe West Ham, trajneri i mysafirëve David Moyes u përjashtua nga loja për një sjellje të keqe që e kishte pranë vijës së fushës.
Ishin luajtur 78 minuta të lojës, kur Moyes i kërkoi djalit që po mblidhte topat që t’i jepte njërin prej tyre për të dalë sa më shpejt në sulm dhe kur ai e bëri këtë, trajneri skocez e gjuajti topin me të gjitha forcën drejt tij që ishte vetëm dy metra larg.
Për fat të djalit, Moyes ishte i pasaktë, por gjyqtari Jesus Gil i tregoi menjëherë një karton të kuq.
Por sjellja josportive e Moyes nuk u ndal me kaq. Ai foli për incidentin në konferencë për media pas ndeshjes.
Edhe pse kërkoi falje për veprimet e tij, ai tha me një buzëqeshje të lehtë: “Ai e hodhi topin shkurt, ishte mirë për një goditje timen volej”, ka thënë Moyes.
🗣 “It was nicely on the volley for me.”David Moyes has apologised for kicking the ball at the ball boy during West Ham’s #UEL semi-final defeat. pic.twitter.com/ZrCYxl7WcU— Football Daily (@footballdaily) May 5, 2022
West Hami i tij humbi në të dyja ndeshjet. Eintracht ka fituar 2-1 në ndeshjen e parë në Londër, ndërsa mbrëmë ka konfirmuar kalimin në finale me një fitore 1-0.
Kundërshtari i skuadrës gjermane në finale do të jetë Glasgow Rangers.
