Vetura goditet nga treni në fshatin Llabjan të Pejës – lëndohet një person
Këtë të enjte, treni ka goditur një veturë në fshatin Llabjan të Pejës.
Si pasojë e aksidentit, një person ka pësuar lëndime trupore dhe i njëjti është dërguar për tretman mjekësor.
Zëdhënësi i Policisë për Rajonin e Pejës, Fadil Gashi, ka bërë të ditur se aksidenti ka ndodhur rreth orës 18:25.
Gashi ka thënë se treni ishte duke qarkulluar nga Prishtina për në Pejë.
“Policia është njoftuar për një aksident hekurudhor në fshatin Llabjan të Pejës, rreth orës 18:25. Treni i cili qarkullonte nga Prishtina për në Pejë është aksidentuar me një veturë. Një person ka pësuar lëndime. I njëjti është dërguar në emergjencë të spitalit për tretman mjekësor, dhe është jashtë rrezikut për jetë”, deklaroi Gashi.
Treni godet veturën në Pejë, ka të lënduar
