Punimet në rrugën “Vëllezërit Stefanoviq” në komunën e Bërvenicës po vazhdojnë me ritëm të mirë, ndërsa aktualisht është duke u realizuar një nga fazat e rëndësishme të projektit – zëvendësimi i rrjetit të vjetër të ujësjellësit.
Kryetari i Komunës së Bërvenicës, Robert Miloshevski, sot ka kryer një inspektim në terren, ku është njohur nga afër me ecurinë e punimeve dhe dinamikën e realizimit të projektit.
Zëvendësimi i rrjetit të vjetër të ujësjellësit me një rrjet të ri pritet të kontribuojë në përmirësimin e cilësisë dhe sigurisë së furnizimit me ujë për banorët e kësaj zone, duke qenë një investim i rëndësishëm në infrastrukturën lokale.
Miloshevski ka theksuar se punimet do të vazhdojnë me përkushtim dhe sipas planit, deri në përfundimin e plotë të të gjitha fazave të projektit.
“Vazhdojmë me përkushtim, hap pas hapi, deri në përfundimin e plotë të këtij projekti në interes të qytetarëve. Nga fjalët – në vepra. Për Bërvenicën që zhvillohet”, është shprehur kryetari Miloshevski.
Projekti në rrugën “Braqa Stefanoviq” synon përmirësimin e infrastrukturës dhe kushteve të jetesës për banorët, ndërsa punimet në terren do të vijojnë edhe në fazat e ardhshme deri në përfundimin e plotë të rikonstruksionit.
Foto nga punimet:
