Në kuadër të përmirësimit të infrastrukturës lokale, në rrugën “170” në lagjen Karposh ka nisur procesi i bekatoninimit. Punimet po zhvillohen në përputhje me planin e parashikuar nga Komuna e Kumanovës për modernizimin e rrugëve dytësore dhe lehtësimin e qarkullimit për banorët.
Kryetari i Komunës së Kumanovës, Maksim Dimitrievski, theksoi se komuna po vazhdon me intensitet të shtuar punët në terren, me qëllim krijimin e kushteve më të mira për jetesë dhe siguri për qytetarët.
“Qëllimi ynë është i qartë – të ofrojmë infrastrukturë të qëndrueshme, të sigurt dhe funksionale për të gjithë banorët e Kumanovës,” thuhet në njoftimin zyrtar të komunës.
Ky është vetëm një nga projektet e shumta infrastrukturore që aktualisht janë në zbatim në territorin e komunës, si pjesë e investimeve të vazhdueshme në shërbim të komunitetit lokal.
