Shkup, 10 qershor – Vazhdon vizita në Itali e delegacionit qeveritar të kryesuar nga zëvendëskryeministri për Çështje Ekonomike, Fatmir Bytyqi, ministrit pa resor i angazhuar për Diasporën, Xhemail Çupi, kryetarëve të komunave dhe përfaqësuesve të Odave Ekonomike të Maqedonisë së Veriut.
Pas takimit me kryetaren e Këshillit të metropolit të Venedikut, Ermelinda Damiano, zëvendëskryeministri Bytyqi, ministri Çupi dhe Munir Shemsi, kryetar i Asociacionit “API NORTEST”, do të mbajnë konferencë shtypi për mediat.
Për pasdite është caktuar takim pune e përfaqësuesve të Odave Ekonomike të Maqedonisë së Veriut me Unionin e Odave Ekonomike të Italisë, ndërsa vizita përfundon me organizimin e forumeve të biznesit midis afaristëve të të dyja vendeve dhe me prani të përfaqësuesve të autoriteteve rajonale në rajonin Veneto.
Vizitën e përfaqësuesve të Maqedonisë së Veriut dhe takimet i organizon Asociacioni “API NORTEST” dhe Konsullata e përgjithshme e Republikës së Maqedonisë së Veriut në Venecie.
