GazetaMax
Kuriozitete

Xavi e çon në ‘qiell’ Lewandowskin

Tashmë nuk është sekret se Barcelona ka shprehur interesim për Robert Lewandowskin.
Sulmuesi polak është i gatshëm për një eksperiencë të re dhe mediat polake kanë shkruar dje se futbollisti mund t’i bashkohet gjigantit katalunas, me të cilin mund të nënshkruajë kontratë trevjeçare.
Edhe pse drejtuesit e Bayern Munichut e përgënjeshtruan lajmin për largimin eventual të lojtarit, gjiganti katalunas nuk ka hequr dorë ende nga lojtari më i mirë në botë në dy vitet e fundit, i shpallur nga FIFA.
Madje, trajneri Xavi Hernandez e ka lavdëruar ish-futbollistin e Borussia Dortmundit, por që nuk deshi të fliste shumë për të, për ta respektuar klubin aktual të lojtarit.
“E kuptoj pyetjen, por nuk është momenti për të folur për të. Është një lojtar që e respektojmë dhe e vlerësojmë dhe mendoj se është një element i shkëlqyeshëm. Por, ne jemi të koncentruar për sfidën e nesërme ndaj Eintrachtit”, deklaroi trajneri i ri spanjoll në konferencë për shtyp.
Lewandowski ka kontratë me Bayernin deri në vitin 2023, por nuk ka pranuar ta vazhdojë atë.

Related posts

Gara e peshkimit botëror në Kanada, Enver dhe Fadil Hashimi po sfidojnë veten në mesin e shumë garuesve

Gazeta Max

PSG synon të nënshkruajë Kante si agjent i lirë sezonin e ardhshëm

Gazeta Max

Real Madrid bën hapin e madh për Halandin, kjo është oferta e ‘çmendur’

Gazeta Max