Më shumë se 10 mijë anije, duke filluar nga anijet e larta dhe varkat historike deri te anijet moderne, nisën udhëtimin nga Ijmuiden drejt zemrës së kryeqytetit holandez, duke shënuar 750-vjetorin e Amsterdamit, raporton Anadolu.
Gjatë pesë ditëve në vijim, ekuipazhet, anijet dhe vizitorët nga e gjithë bota do të mblidhen përgjatë lumit IJ për të festuar trashëgiminë detare, traditat nautike dhe kulturën.
Duke u organizuar vetëm një herë në çdo pesë vjet, ‘SAIL Amsterdam; mbetet një nga ngjarjet më të mëdha dhe më ikonike të qytetit.
