Kombëtarja e Argjentinës e mposhti Kosta Rikën me rezultatin bindës 7:0 në një ndeshje miqësore të zhvilluar në Kordoba.
Por pas përfundimit të ndeshjes, një skenë e pazakontë tërhoqi vëmendjen e rrjeteve sociale.
Një gazetar, teksa priste fillimin e konferencës për shtyp të trajnerit Lionel Scaloni, vendosi të kërkonte ndihmën e inteligjencës artificiale për të përgatitur një pyetje.
Ai hapi ChatGPT-në në telefon dhe shkroi:
“Më jep një pyetje për Scalonin pas fitores 7:0”;
ChatGPT i sugjeroi një pyetje për Scalonin
Inteligjenca artificiale i propozoi këtë pyetje:
“Lionel, pas një fitoreje kaq bindëse 7:0, çfarë përfundimesh mund të nxirrni për ndërrimin e brezave në kombëtare? A mendoni se po shfaqet një identitet i ri futbollistik, më pak i varur nga cilësitë individuale dhe më shumë i bazuar në lojën kolektive?”
Videon e publikoi gazetari argjentinas Lautaro Pavon në rrjetin social X, ku ajo u përhap me shpejtësi.
Sipas televizionit argjentinas TN, brenda pak orësh videoja kishte grumbulluar mbi 430 mijë shikime dhe 15 mijë pëlqime.
Identiteti i gazetarit që përdori ChatGPT-në nuk është bërë publik.
Gjithashtu, nuk dihet nëse ai e parashtroi vërtet pyetjen e sugjeruar nga inteligjenca artificiale.
Ngjarja u raportua nga disa media argjentinase.
Argjentina e mbylli vitin 2026 me një fitore spektakolare ndaj Kosta Rikës, ndërsa Scaloni foli në konferencën për shtyp për të ardhmen e ekipit dhe lojtarët që pritet të marrin role më të rëndësishme në kombëtare.
Chat: DAME UNA PREGUNTA PARA SCALONI LUEGO DE GANAR 7-0 https://t.co/P4Is32o9JB
— Lauty pavon (@LautaroPavon18) November 18, 2026
Burimi: botasot.info
