Tetovë, 14 tetor – Bashkimi Demokratik për Integrim një ditë para mbledhjes së Këshillit të Përgjithshëm është mbledhur në selinë në Tetovë ku në mbledhjen e kryesuar nga kryetari Ali Ahmeti kanë diskutuar mbi propozimet të cilat nesër do të gjenden para Këshillit të Përgjithshëm të BDI për të votuar mbi organet e reja të partisë që dalin pas Kongresit në të cilin u zgjodh vetëm kryetari i BDI-së, Ali Ahmeti.
Agjencia e lajmeve Zhurnal, nga burime brenda BDI-së mëson se në kryesinë e ngushtë të partisë nga Shkupi do të jenë përfaqësues Izet Mexhiti si nënkryetar dhe Blerim Bexheti si sekretar Organizativ, po ashtu, nënkryetarët e tjerë janë Arbër Ademi, Bajram Rexhepi dhe Arbana Pasholli.
Ndërkohë që ekskluzivisht mësohet se sekretar gjeneral është propozuar Faton Ahmeti, sekretar organizativ Blerim Bexheti ndërsa sekretar për barazi gjinore Saranda Imeri.
