Kryesfida diplomacisë së Maqedonisë së Veriut, kryesimi me OSBE-në në vitin 2023, është vlerësuar mjaftë nga ish diplomati dhe ambasadori i Shqipërisë në Shtetet e Bashkuara të Amerikës, Agim Nesho. Ky i fundit në emisionin “Live me Çim Pekën” duke uruar kryediplomatin e Maqedonisë së Veriut, Bujar Osmanin, nuk ka vënë në dyshim kryesimin e suksesshëm edhe përkundër krizës aktuale në Ukrainë.
“Ne si shqiptar, por edhe si fqinj, mendojmë dhe kemi besim te ju. Për herë të parë do të shohim një diplomat të shquar, një politikan shqiptar, i cili do të nderojë institucionin. Na bëni krenar me këtë”, ka thënë mes tjerash ish ambasadori Nesho.
Ndërkaq, panelisti tjetër në emisionin e njëjtë, analisti dhe gazetari Baton Haxhiu, për mënyrën se si ministri Osmani flet për “Ballkanin e hapur”, tha:
“Jam i befasuar për të mirë, se si e shpjegoni çështjen, askush nuk ka qenë më i qartë. A pajtohemi apo jo është çështje tjetër. Mënyra se si i afrohesh paqes, më e mira që kam dëgjuar deri tash. Nuk kam dëgjuar asnjë politikan më të qartë, më të artikulueshëm, jo vetëm ndër shqiptarë, por në rajon e gjetiu”.
