Shkup, 24 dhjetor – Në ditën e sotme në vitin 2012, ka ndodhur dhuna në Kuvendin e MAqedonisë, nga populli i quajtur si “e hëna e zezë”, kur deputetë të atëhershëm të opozitës së bashku me gazetarët u përzumë nga salla e Kuvendit nga seanca ku në rend dite ishte buxheti. Kështu ka shkruar sot ministri i brendshëm Oliver Spasovski, informon Zhurnal.
Ai shprehet se 24 dhjetori është dëshmi për “matricën e dhunës dhe krimit, për matricën e VMRO-DPMNE-së, e cila kulminoi me terrorizëm ndaj shtetit më 27 prill 2017”.
“Por nga kjo distancë, 24 dhjetori është indikator i mirë për ndryshimet tektonike nga atëherë deri më sot, veçanërisht gjatë kohës prej kur udhëheqë me MPB-në, së bashku me ekupin tim. Policia tanimë nuk është mbrojtës i krimit, policia është në shërbim të qytetarëve”, thotë Spasovski.
Sipas tij, MPB ka kthyer besimin te partnerët ndërkombëtarë në kapacitetin tonë demokratik dhe në politikat e qeverisjes së mirë.
“Dje në Kuvend u miratua buxheti shtetëror për vitin e ardhshëm, pa tërheqje dhe pa rrahje të deputetëve. Por në mënyrë dinjitoze dhe evropiane. Kjo ditë le të ngelet një përkujtim i përjetshëm i një kohe të kaluar të brutalitetit policor dhe regjimit autokrat- ajo është impulsi që më fuqishëm të luftojmë për të drejtat e qytetarëve, prë të drejtën e vetvendosjes, për të drejtën e shprehjes së lirë dhe njoftimit të lirë. Të mos harrohet dhe asnjëherë të mos përsëritet ajo “e hënë e zezë”, ka shkruar ministri./Zhurnal.mk
