Gostivar, 31 janar – Kryetari i Komunës së Gostivarit, Arben Taravari sot në në kabinetin e tij u takua me ambasadorin britanik në Shkup, Metju Loson.
“E falënderova ambasadorin Loson për përkrahjen e vazhdueshme të Mbretërisë së Bashkuar, si një ndër aleatët tanë më të rëndësishëm në kuadër të NATO-s, për zhvillimin dhe stabilitetin e vendit. Me Ambasadorin Lawson u pajtuam se në këto kohëra të trazuara për kontinentin, stabiliteti i brendshëm politik është garanci për zhvillim ekonomik, rritje të investimeve të huaja dhe prosperitet për qytetarët e vendit”, thotë kryetari Taravari.
Në takim është biseduar për potencialin ekonomik dhe kulturor të Gostivarit, si qytet model i bashkëjetesës, ndërsa kryetari dhe ambasadori u pajtuam për intensifikim të bashkëpunimit ndërmjet ambasadës së Mbretërisë së Bashkuar dhe komunës sonë në në fushat e përbashkëta të interesit.
