Shkup, 4 shkurt – Marrëdhëniet e brishta me Bullgarinë shkojnë në dëm të fqinjësisë së mirë dhe procesit integrues dhe si të tilla dëmtojnë edhe politikën e brendshme të shtetit, thotë analisti politik, Ismet Ramadani.
Sipas tij, kjo situatë erdhi si rrjedhojë e nxitjes së forcave ekstreme që nuk ua duan të mirën dy vendeve, ndërsa apelon të dyja palët të marrin masa dhe të mos lejojnë të bien nën ndikimin e kursit të forcave të caktuara destructive.
“Prishja e raporteve ndërshtetërore me Bullgarinë mund të na nxjerrin probleme në ecjen tonë të integrimit, anëtarsimin në BE. Do të vonohemi në përmbushjen e kushteteve dhe kjo nuk duhet të lejohet nga forcat progresive, forcat e përksushtuara me vullnet të mirë drejt regullimit të raporteve me Bullgarinë. Forcat që janë ekstreme edhe këtu edhe atje edhe më tutje do të tentojnë që t’i mbajnë këto raporte të tensionuara që sigurisht pas tyre fshihet ndonjë forcë apo obstruksion që i bëhet Maqedonisë drejt integrimeve”, u shpreh anlisti politik Ismet Ramadani.
Për të evituar problemet me Bullgarinë, Ramadani thekson nevojën për impelmentimin e ndryshimeve kushtuese sa më shpejt. Sipas tij përfshihrja e bullgarëve në preambulë ishte kërkesa e vetme bullgare në propozimin francez dhe se duhet të mbarojë ky detyrim i marrëveshjes.
“Duhet të bëjmë çmos që të evitojmë incident dhe situatë të cilat edhe më shumë i rëndojnë raportet mes nesh. Besoj se me kalimin e kohës kjo mund të tejkalohet. Duhet më shpejt t’i bëjmë ndryshimet kushtetueese dhe t’i vendojmë bullgarët në kushtetutë, sepse sa të vonohemi këto tensione do të jenë latent dhe do të na përcjellin”, theksoi Ramadani.
Raportet mes Shkupit dhe Sofjes u tensionuan pas incidentit që ndodhi në Ohër ku u rrah sekratari i klubit bullgar. Ndërkohë ceshtja u aktualizua edhe më shumë pas mbledhjes së Këshillit të Sigurimit, ku shënimi I përvjetorit të lindjes së heroit Goce Dellçev, u cilësua si ngjarje me rrezikshmëri të lartë të sigurisë.
