Agjencia e Hulumtimit të Opinionit Publik, Brima Gallup në periudhën nga 18 shtatori deri më 11 tetor 2023, ka kryer një anketë për të shqyrtuar opinionin publik të qytetarëve nga komuniteti turk në lidhje me disa çështje që lidhen me temat aktuale politike, gjatë të cilit janë anketuar 333 të anketuar nga 38 komuna mbi moshën 18 vjeçare.
Rreth 67,5% e të anketuarve mendojnë se anëtarësimi i Maqedonisë së Veriut në BE është një gjë e mirë, 23,4% janë deklaruar neutralë për këtë çështje, ndërsa 6,9% e të anketuarve mendojnë se anëtarësimi në BE është gjë e keqe.
Në pyetjen – nëse javën e ardhshme do të mbaheshin zgjedhjet parlamentare, për cilën parti do të votonin, 22.5% e të anketuarve kanë zgjedhur Partinë Lëvizja Turke (THP), 20.4% për Partinë Demokratike të Turqve, 7.8% për DNET, 2.7% për LSDM, 2,4 për qind për VMRO-DPMNE, ndërsa 22,8 për qind e të anketuarve janë deklaruar të pavendosur.
Rreth 74.5 për qind e të anketuarve kanë deklaruar se ndoshta do të votojnë në zgjedhjet e ardhshme.
Në pyetjen – në cilin lider politik turk në Maqedoninë e Veriut keni më shumë besim, 23,7 për qind e të anketuarve janë përgjigjur Enes Ibrahim, 20,7 për qind Erdogan Saraç, 10,8 për qind Bejcan Ilyas.
Është interesante të përmendet se vetëm 28,8% e të anketuarve kanë thënë se e shikojnë MRTV-në në gjuhën turke, madje 60,7% nuk kanë dëgjuar fare për vendimin e qeverisë që themeloi “Qendrën për kulturën e komunitetit turk në Maqedoninë e Veriut”.
