Partia e tij tha se ai u transportua me helikopter pasi ndjeu dhimbje të forta gjatë një mitingu në shtetin e Rio Grande do Norte. Sipas mjekut të tij, nëse konstatohet se ai ka një pengesë të zorrëve, ai do të transferohet në Sao Paulo, ku më parë ishte trajtuar pas një sulmi me thikë në vitin 2018, raportoi CNN.
Bolsonaro, një ish kapiten i ushtrisë dhe president nga 2019 deri në 2022, po bën fushatë në të gjithë Brazilin që Kongresi të miratojë një projekt-ligj amnistie për mbështetësit e tij që sulmuan kryeqytetin, Brasilia, pas humbjes së tij në zgjedhjet e vitit 2022. Gjykata e Lartë e Brazilit vendosi muajin e kaluar se ai duhet të përballet me gjyqin për komplot të dyshuar për të përmbysur qeverinë pas humbjes së tij në zgjedhje.
Bolsonaro mohon të gjitha akuzat dhe pretendon se gjyqi është një shembull i një sulmi të krahut të majtë ndaj liderëve konservatorë, si ai dhe Marine Le Pen e Francës.
Bolsonaro tashmë i është ndaluar të kandidojë për poste publike deri në vitin 2030 për diskreditimin e sistemit zgjedhor. Nëse Gjykata e Lartë e shpall fajtor, ai mund të marrë një dënim të gjatë me burg.
