Nuk mundesh të jesh pjesë e VLEN-it, kurse para opinionit të thuash mund të zhvilloj bisedime me Bashkimin Demokratik për Integrim. Arben Taravari nuk mund të paraqet ndryshimin, rotacionin politik dhe në të njëjtën kohë të bashkëpunon me BDI-në. Kështu ka deklaruar, zëvendëskryeministri i parë, Izet Mexhiti përballë gazetarit Fatmir Aliu në Click Plus në TV21.
“E kam dëgjuar z.Taravari duke thënë nëse merremi vesh me VLEN-in, mirë nëse jo ASH do të shkojë e vetme në zgjedhje dhe do të jetë e hapur për bashkëpunim me BDI-në. Këtë proces nuk e njeh asnjë praktikë politike. Unë nuk besojë që përfaqësuesit e Aleancës për shqiptarët që prej fillimit kanë qenë antipod i BDI-së, tash të pajtohen për të kënaqur apetitet pikërisht të kësaj partie”, kështu është shprehur zëvendëskryeministri i parë, Izet Mexhiti.
