Bujar Sulejmani është emëruar kryetar i Komisionit për Ankesa të Furnizimeve Publike. Ky është hera e parë që ky pozicion merret nga partitë shqiptare, duke shënuar edhe një hap të rëndësishëm në karrierën profesionale të një shqiptari.
Komisioni për Ankesa të Furnizimeve Publike ka një rol kyç në mbikëqyrjen dhe shqyrtimin e ankesave që lidhen me procedurat e prokurimit publik, duke garantuar transparencë dhe drejtësi në proceset e furnizimeve.
Emërimi i Sulejmanit pritet të sjellë një qasje të re dhe profesionale në trajtimin e çështjeve që i takojnë kësaj fushe.
Nga ana tjetër, Sulejmani ka qenë sekretar i komunës së Zhelinës dhe kryetar i komisionit komunal zgjedhor.
