Arinjtë në lagjen Karacabey të Bursës në Turqi ushqehen me ushqime me përmbajtje të lartë proteinash dhe kalorish gjatë ditëve të nxehta të verës, raporton Anadolu.
Në Qendrën e Shpëtimit dhe Rehabilitimit të Kafshëve të Egra Ovakorusu Celal Acar, e cila vepron në një sipërfaqe prej 10 hektarësh nën Drejtorinë e Degës së Bursës për Ruajtjen e Natyrës dhe Parqet Kombëtare (DKMP) të Ministrisë së Bujqësisë dhe Pylltarisë, arinjtë e sjellë nga e gjithë vendi mbahen nën kontroll 24/7.
Arinjve, metabolizmi i të cilëve përshpejtohet pasi dalin nga letargjia dimërore, u jepet një dietë që përbëhet nga ushqime me shumë proteina dhe kalori gjatë ditëve të nxehta të verës.
Nëpunësit u japin arinjve ushqime të veçanta që përbëhen nga ushqime me kalori dhe përmbajtje të lartë proteinash, si fruta, perime dhe mish.
“Këto vakte korrespondojnë me marrjen e 20 mijë kalorive ushqim për secilin ari”
Azizcan Sezer, kreu i qendrës, për Anadolu tha se gjatë letargjisë dimërore, metabolizmi i kafshëve ngadalësohet dhe ato përdorin yndyrën që kanë ruajtur.
Ai deklaroi se metabolizmi i arinjve përshpejtohet në verë. “Ne i ushqejmë ata me ushqime me përmbajtje të lartë proteinash dhe kalorish pas gjumit dimëror. Kjo ushqyerje do të vazhdojë deri në periudhën e vjeshtës dhe ne do ta rrisim ushqyerjen e tyre edhe më shumë në fillim të vjeshtës. Ne do të vazhdojmë t’i ushqejmë ata me ushqime me përmbajtje të lartë proteinash dhe kalorish deri në periudhën e ardhshme të dimrit”, tha Sezer.
Ai gjithashtu tha se i ushqejnë arinjtë me ushqime të ndryshme si mollë, dardha, karota, kastravecë, pjepër, shalqi dhe mish.
“Këto vakte korrespondojnë me marrjen e 20 mijë kalorive nga secili ari. Ne do ta përfundojmë këtë periudhë me ushqime me kalori të larta dhe proteina të larta dhe do t’i përgatisim ata për periudhën e ardhshme të letargjisë dimërore”, u shpreh Sezer.
