Kryetari i Komunës së Deçanit, Bashkim Ramosaj, ka njoftuar se është shpallur konkursi për ndarjen e bursave për studentët e nivelit bachelor, për vitin akademik 2024/2025.
Bursat janë të destinuara për studentët që ndjekin studimet në Universitetet Publike të Republikës së Kosovës, si dhe për ata që studiojnë jashtë vendit, në kuadër të përpjekjeve të komunës për të mbështetur të rinjtë dhe arsimin e lartë.
“Lajm i mirë për studentët tanë! Mbështetja për rininë dhe dijen është prioritet yni. Ftoj të gjithë studentët që i plotësojnë kriteret të aplikojnë,” – deklaroi Ramosaj.
🗓 Afati për aplikim është i hapur nga 10 Shtator deri më 30 Shtator 2025.
📍 Aplikacionet mund të merren dhe dorëzohen në Zyrën Pritëse (kati i parë) në objektin e Komunës së Deçanit.
📑 Kriteret e aplikimit dhe dokumentet e nevojshme janë të publikuara në linkun zyrtar:
👉 Shiko dokumentin e konkursit
Ky është një hap konkret në drejtim të mbështetjes së të rinjve të komunës në rrugën e tyre akademike, duke ndihmuar jo vetëm financiarisht, por edhe duke motivuar për arritje të mëdha në arsim.
Komuna e Deçanit u uron suksese të gjithë studentëve aplikues!
