Në Deçan sot u mbajt një ceremoni komemorative për të nderuar jetën dhe veprën e komandant Adem Haxhosajt, një prej luftëtarëve më të dalluar të Ushtrisë Çlirimtare të Kosovës.
Në mesin e shumë qytetarëve, bashkëluftëtarëve, familjarëve dhe përfaqësuesve të institucioneve, u kujtua kontributi i tij i jashtëzakonshëm për lirinë e vendit.
Ademi ishte ndër të parët që iu bashkua radhëve të UÇK-së, duke u dalluar si luftëtar i guximshëm, atdhetar i përkushtuar dhe njeri me vlera të larta. Pas luftës, ai vazhdoi t’i shërbente Kosovës në radhët e Ushtrisë së Kosovës, duke dëshmuar përkushtim të palëkundur ndaj Atdheut.
Në fjalën e tij gjatë ceremonisë, kryetari i Deçanit, Bashkim Ramosaj, tha:
“Sot, në mesin e shumë qytetarëve, bashkëluftëtarëve, përfaqësuesve të institucioneve dhe familjarëve, u mbajt mbledhje komemorative për të nderuar jetën dhe veprën e Komandant Adem Haxhosaj, një prej luftëtarëve më të dalluar të Ushtrisë Çlirimtare të Kosovës. Ademi ishte ndër të parët që iu bashkua radhëve të UÇK-së. Luftëtar i guximshëm, atdhetar i përkushtuar dhe njeri me vlera të larta, ai e vazhdoi shërbimin ndaj Atdheut edhe pas luftës, në radhët e Ushtrisë së Kosovës. Jeta dhe veprimtaria e tij janë shembull i sakrificës dhe dashurisë për vendin. Ngushëllime të sinqerta familjes Haxhosaj, bashkëluftëtarëve dhe të gjithë atyre që patën nderin ta njohin. I qoftë i lehtë dheu i Kosovës!!”
Komandant Adem Haxhosaj do të kujtohet përgjithmonë si një figurë e respektuar e historisë së luftës dhe lirisë, ndërsa veprimtaria e tij mbetet frymëzim për brezat e ardhshëm.
