Kryetari i Komunës dhe kandidati i AAK-së, Bashkim Ramosaj, ka shprehur mirënjohjen e tij për qytetarët e komunës, të cilët po i japin një mbështetje të jashtëzakonshme gjatë takimeve elektorale.
Ai tha se këtë mbështetje e dëshmuan edhe banorët e fshatrave Dubovik dhe Llukë e Ulët, duke e përkrahur si kryetar, por edhe kandidaten për Asamble, Yllka Berisha.
“Faleminderit nga zemra Dubovik! Faleminderit nga zemra Llukë e Ulët! Do të jemi bashkë gjithmonë!”, u shpreh Ramosaj.
Me moton #FLASIMmePUNË #AAK174, ai u zotua se kjo lidhje me qytetarët do të mbetet e fortë dhe e sinqertë.
