Në Shkup u mbajt ceremonia promovuese e kandidatëve për kryetarë komunash nga radhët e VMRO-DPMNE-së, ku mori pjesë edhe Boban Stefkovski, kandidati i kësaj partie për një mandat të dytë në krye të Komunës së Gazi Babës.
Në fjalën e tij, Stefkovski shprehu mirënjohje për besimin e dhënë nga drejtuesit e partisë, si dhe falënderim për mbështetjen e fuqishme të qytetarëve.
“Është nder për mua të jem kandidati për kryetar të Gazi Babës në mandatin e dytë. Nga zemra falënderoj të gjithë qytetarët për përkrahjen dhe besimin e madh. Zhvillimi i Gazi Babës do të vazhdojë. Së bashku do të krijojmë vepra për një të nesërme më të mirë dhe së bashku do të fitojmë. Unë jam njeriu juaj në komunë dhe për mua është nder t’ju shërbej e të punoj për ju”, deklaroi Stefkovski.
Ai theksoi se prioriteti i tij do të mbetet zhvillimi i komunës dhe përmirësimi i kushteve të jetës për të gjithë banorët.
https://www.facebook.com/share/p/1Cuvj6Cspn/
