Këshilli Gjyqësor i Kosovës (KGJK), në mbledhjen e sotme, ka bërë përzgjedhjen dhe emërimin e gjyqtarit mbikëqyrës në Gjykatën Themelore në Pejë, dega në Deçan.
Bazuar në rekomandimin e Komisionit Vlerësues dhe pas procesit të votimit, anëtarët e KGJK-së zgjodhën me shumicë votash Besnik Shalën në pozitën e gjyqtarit mbikëqyrës të kësaj dege.
Mandati i tij është pesë (5) vjeçar dhe do të fillojë nga data e hyrjes në fuqi të këtij vendimi.
