Këngëtarja e njohur Teuta Selimi ka ndarë së fundmi një rrëfim të hapur dhe të sinqertë me ndjekësit e saj në rrjetet sociale, duke zbuluar betejat e brendshme që ka kaluar në një periudhë të vështirë të jetës personale.
Pas lajmeve për ndarjen nga bashkëshorti, artistja ka zgjedhur të falënderojë publikun për mbështetjen e pakushtëzuar, duke theksuar rëndësinë e tyre në momentet më sfiduese.
Përmes një postimi në InstaStory, Teuta rrëfeu fazën e dyshimit dhe mungesës së besimit tek vetja. “Më keni dhënë aq shumë dashuri e besim edhe në kohën kur as unë nuk kam besuar në veten time,” shkruan ajo, duke ndarë hapur ndjenjat e saj të pasigurisë dhe lodhjes emocionale.