Nënkryetari i Kuvendit, Antonijo Milloshoski, zhvilloi takim pune me Ambasadoren e Republikës së Sllovakisë, Iveta Hricova. Në takim u shkëmbyen mendime mbi situatën aktuale politike, bashkëpunimin dypalësh dhe proceset e integrimit evropian të vendit tonë. Njëkohësisht, u theksua mbështetja e vazhdueshme që Republika e Sllovakisë i jep politikës së zgjerimit të Bashkimit Evropian, si një nga shtetet anëtare të grupit “Miqtë e Zgjerimit”. Bashkëbiseduesit trajtuan në mënyrë specifike mundësitë për promovimin e mëtejshëm të bashkëpunimit ndërparlamentar midis dy shteteve, përmes intensifikimit të komunikimit dhe shkëmbimit të përvojave ndërmjet parlamenteve. Njëkohësisht, u theksua se Republika e Sllovakisë do të marrë kryesimin e Grupit të Vishegradit nga 1 korriku 2026, gjë që përfaqëson mundësi shtesë për thellimin e bashkëpunimit rajonal dhe afirmimin e perspektivave evropiane të vendeve të Ballkanit Perëndimor. Nënkryetari Milloshoski shprehu mirënjohje për mbështetjen parimore dhe të vazhdueshme nga Republika Sllovake dhe theksoi rëndësinë e ruajtjes së dialogut konstruktiv dhe marrëdhënieve të partneritetit në drejtim të përmbushjes së prioriteteve tona reformuese.