Shkup, 28 Prill – Ambasadori i Francës në vend, Siril Bomgartner në ClickPlus në TV21 tha se qëndrimi i Francës në lidhje me procesin integrues të Maqedonisë së Veriut në BE nuk a ndryshuar, or që gjithçka varet nga kontesti mes Shkupit dhe Sofjes.
“Dhe kur kjo marrëveshje të konfirmohet nga të dyja palët, do të mundësohet që të ecim para. Prandaj është shumë e rëndësishme që të ketë dialog mes Maqedonisë së Veriut dhe Bullgarisë. Tani jemi në fazën kur po qartësohen pozicionet në të dyja anët e kufirit”, tha Bomgartner.
Si vend që kryeson me BE-në, ambasadori Bomgartner tha se Franca po ndjek me vëmendje zhvillimin e ngjarjeve.
“Do të shtoj se për shkak të rëndësisë së kësaj çështjeje që ndiqet nga vetë Presidenti i Republikës, për zhvillimin e të gjitha vendeve të rajonit gjatë presidencës franceze, do të organizohet një konferencë e posaçme ndërmjet Bashkimit Evropian dhe Ballkanit Perëndimor dhe kjo konferencë do të organizohet gjatë muajit qershor”, tha Bomgartner.
