Abazoviq fton Kovaçevskin dhe Ramën së bashku të vizitojnë Kievin

Shkup, 13 qershor – Kryeministri malazez, Dritan Abazoviq, ka pranuar ftesën e presidentit ukrainas, Volodimir Zelensky për të vizituar Kievin.

Zelenski të enjten ftoi Abazoviqin për të vizituar Kievin.

“Siç u njoftua, Abazoviq do të ngritë idenë për vizitë të përbahskët të Kievit me kryeministrat nga Ballkani Perëndimor, veçanërisht nga vendet e NATO-s në rajon, me qëllim që të dërgohet një mesazh më unikat dhe më i fuqishëm për mbështetje të sovranitetit dhe integritetit të Ukrainës”, thuhet në kumtesën e kabinetit të kryeministrit.

Sipas “Vijesti”, kryeministrat e Shqipërisë dhe Maqedonisë së Veriut, Edi Rama dhe Dimitar Kovaçevski, e kanë pranuar idenë e Abazoviqit dhe ngelet të caktohet një datë.

Në bisedë me Zelenskin, Abazoviq ka theksuar se Mali i Zi që nga fillimi ka dhënë mbështetje të hapur për pavarësinë, integritetin teritorial dhe sovranitetin e Ukrainës./Zhurnal.mk

Të fundit në përqindje