GazetaMax
Lajme

Afrim Gashi në Potoçari përkujton viktimat e gjenocidit në Srebrenicë: Srebrenica është amanet për njerëzimin

Kryetari i Kuvendit të Republikës së Maqedonisë së Veriut, Afrim Gashi, mori pjesë sot në manifestimin përkujtimor të mbajtur në Potoçari me rastin e 29-vjetorit të gjenocidit në Srebrenicë.

Në një status publik, Gashi theksoi se ngjarjet e korrikut 1995 nuk janë thjesht statistika, por mbi 8,000 jetë të pafajshme të shkatërruara nga urrejtja dhe krimi, që lanë pas familje të copëtuara dhe ëndrra të ndërprera.

“Srebrenica është plagë e hapur në ndërgjegjen e njerëzimit, një simbol i asaj se çfarë ndodh kur urrejtja dhe krimi marrin përmasa të pashpjegueshme. Është thirrje për drejtësi, për paqe, për të mos lejuar që e kaluara të përsëritet”, shkruan Gashi.

Ai theksoi se kujtimi i Srebrenicës është detyrë morale për të gjithë: të flasim, të kërkojmë drejtësi dhe të qëndrojmë gjithmonë në anën e së vërtetës dhe të viktimave.

“Srebrenica është më shumë se histori – ajo është amanet për të gjithë ne,” përfundoi kryetari i Kuvendit, duke bërë thirrje që ky gjenocid të mos harrohet kurrë: “Don’t forget Srebrenica!”

Related posts

Nga Shkupi dhe Ohri do të ketë fluturime në 48 destinacione

Gazeta Max

MEPSO në përkrahje të UShT-së dhe studentëve shqiptarë

Gazeta Max

Sela pritet në takim nga presidenti shqiptar, Bajram Begaj

Gazeta Max