Shkup, 4 janar – Ministria e Mjedisit Jetësor dhe Planifikimit Hapësinor informon se ajri në Kërçovë është ndotur dhe se është tejkaluar pragu i alarmimit të grimcave të suspenduara deri 10 mikrometra gjatë dy ditëve të kaluara.
“Në bazë të Dekretit për ndryshimin dhe plotësimin e Dekretit për vlerat kufitare për nivelet dhe llojet e substancave ndotëse në ajrin e ambientit dhe pragjet e alarmimit, afatet për arritjen e vlerave kufitare, margjinat e tolerancës për vlerat kufitare, vlerat e synuara dhe synimet afatgjata (Gazeta Zyrtare e Republikës së Maqedonisë nr. 183, datë 14.12.2017) e cila përcakton pragun e alarmimit për grimcat e suspenduara me madhësi deri në 10 mikrometra (që e tejkalojnë vlerën prej 150 mg /m3 gjatë dy ditëve radhazi) dhe parashikimin e marrë të motit nga Drejtoria për Punë Hidrometeorologjike, ju njoftojmë se i njëjti është tejkaluar në pikën matëse në Kërçovës”. bëhet e ditur në kumtesën e MMJPH-së.
Tabela tregon përqendrimet mesatare ditore të PM10 në pikat matëse ku është tejkaluar pragu i alarmimit.
| Kërçovë | |
| 02/01/2023 | 162.07 |
| 03/01/2023 | 160.04 |
* përqendrimet janë shprehur në mg/m3
Nga MMJPH bëjnë të ditur se është dorëzuar informacioni për tejkalimin e pragut të alarmimit deri tek Ministria e Shëndetësisë, Ministria e Punës dhe Politikës Sociale, Inspektorati Shtetëror për Mjedis Jetësor, Drejtoria e Mjedisit Jetësor, Sektori për Komunikim me Publikun në MMJPH, Instituti i Shëndetit Publik dhe në Komunën e Kërçovës.
