Shkup, 28 Janar – 143 nxënës të shkollave fillore dhe 59 nxënës të shkollave të mesme të Tetovës, vetëm gjatë këtij viti shkollor, kanë marrë fletëshpërngulje si arsye emigrimit. Shumica e tyre, sic njofton KlanM, kanë shkuar për në Gjermani por edhe shtete tjera si Italia dhe Zvicra.
E situata thuajse e njëjtë është edhe në Gostivar, ku 115 nxënës nga 10 shkolla fillore të Gostivarit, së bashku me prindërit e tyre, në kërkim të një jete më të mirë, janë larguar dret perëndimit.
Sociologu Ali Pajaziti, sic njofton KlanM, këtë dukuri e shikon si çështje jo vetëm ekonomike por multi kauzale.
“Kjo është çështje multi-kauzale, duke filluar nga papunësia, mosfunksionimi i shtetit, çështja e sigurisë dhe shumë gjera tjera ndikojnë tek të rinjtë dhe thonë se ky shtet nuk behet dhe se nuk ka perspektivë dhe ardhmëri”, thotë sociologu, Ali Pajaziti.
E ngjashme është situata edhe në Komunën e Çairit, ku siç njofton KlanM, 60 nxënës të shkollave fillore kanë marrë fletëshpërngulje si shkak i emigrimit vetëm në këtë vit shkollor. Vetëm nga Shkolla Fillore “Vasill Gllavinov” të kësaj komune janë shpërngulur 27 nxënës. Nga 6 nxënës janë shpërngulur nga Shkollat Fillore “Hasan Prishtina” dhe “Tefejuz”, nga 5 nxënës nga Shkollat Fillore “Ismail Qemali” dhe “Imri Elezi” nga 4 nxënës nga Shkollat fillore “Kongresi i Manastirit” dhe “Liria”, dhe 3 nxënës nga Shkolla Fillore “7 marsi”. Tek shumica e kërkesave për shpërngulje kryeson shteti i Gjermanisë.
(3:50) “Shifrat janë trishtuese, brenda gjashtë muajve të shpërngulen 400-500 familje nuk është pak, ne shohim çdo ditë shtëpi ku fiken dritat dhe më nuk ndizen, gjithnjë e më tepër kemi shtëpi të pa banuara dhe më gjase do të na kapë sindromi i vendbanimeve të zbrazura”, tha Pajaziti.
Shifra të ngjashme vërehen edhe tek Komuna më të vogla. Sipas informacioneve zyrtare nga Komuna e Bogovinës, sic njofton KlanM, janë shpërngulur 47 nxënës kurse nga Komuna e Zhelinës – 15 nxënës nga tri shkolla fillore të cilët kanë marrë fletëshpërngulje si shkak i emigrimit kryesisht për në Gjermani.
