Deputetja e ASH-së, Ilire Dauti sot ka kritikuar deputetin e BDI-së, njëherit edhe ish-ministër i Arsimit dhe Shkencës, Arbër Ademi, të cilin e ka quajtur të dështuar dhe se i ka lënë mësimdhënësit në gjendje të mjerueshme, objektet shkollorë si në mesjetë etj.
Ndryshe, kemi hyrë në javën e dytë të grevës së mësimdhënësve, të cilët kërkojnë rritjen e pagave në arsim.
Mirëpo, kujtojmë se vetëm brenda periudhës kohore 2018-2020, rrogat në arsim janë rritur për 21%, derisa ishte ministër i Arsimit dhe Shkencës, Arbër Ademi.
Gjithashtu, gjatë asaj periudhe janë ndërtuar 17 salla sportive vetëm në shkollat shqipe, nga gjithësej 30!
Është zgjidhur edhe problemi i nxënësve të fshatit Reçicë e Vogël, ku tani ata mësojnë në objektin e ri shkollor sipas standarteve evropiane, përfshi këtu investimet në infrastrukturën e në më shumë se 35 shkolla tjera.
E gjithë kjo është realizuar vetëm gjatë mandatit të Arbër Ademit, si ministër i Arsimit dhe Shkencës.
