Sfida e radhës së Bashkimit Demokratik për Integrim është bashkimi i shqiptarëve. Këtë e ka paralajmëruar mbrëmë në takim me qytetarët Shefi i Diplomacisë së vendit dhe zëdhënës i BDI-së, Bujar Osmani.
“Gjithmonë kur është sfiduar bashkimi, Ali Ahmeti e ka sfiduar me bashkim edhe më të madh. E keni dëgjuar para disa kohe, në një intervistë kur me mllef tregonte se si i vjen turp kur takohet me ndërkombëtarët; partitë maqedone parti me një liderët e tyre, partitë shqiptare secila me nga pesë persona për shkak se nuk i besojnë njëri tjetrit. Mesazhi i tij ishte se do të nisë një projekt tjetër, bashkimin e shqiptarëve si asnjëherë më parë, Fronti për Europë”, tha Osmani.
Sipas Osmanit, nëse Marrëveshja e Ohrit rrumbullakoi barazinë, tash është koha e Bashkimit Europian.
“Vetëm BE garanton misionin e ri. Nëse kapitulli i parë ishte barazia, e radhës është cilësia e jetës”, përfundoi ai.
