Një valë e re reagimesh po përfshin botën akademike shqiptare, ku profesorët po zgjedhin të mos qëndrojnë më si spektatorë të heshtur përballë revoltave studentore.
Deklaratat e fundit nga radhët e pedagogëve zbulojnë se marrëdhënia me studentët nuk mund të ndahet nga mbështetja e drejtpërdrejtë gjatë momenteve të krizës.
Sipas pedagogut dhe avokatit Ervis Çela, figura e profesorit mbart një mision thelbësor që shkon përtej dhënies së leksioneve në auditore.
Kur të rinjtë ngrihen në protesta, tha Çela në emisionin “Drejt” në “Ora News”, është e pamundur të qëndrohet mënjanë.
Mosha dhe energjia e rinisë shpesh sjellin reagime impulsive apo kërkesa që mund të duken të tepruara, por thelbi mbetet gjithmonë një problematikë reale që kërkon vëmendje dhe revoltë të justifikuar.
Çela theksoi se detyra e pedagogëve në këto situata është orientimi i kësaj lëvizjeje përmes eksperiencës dhe mençurisë profesionale. Synimi nuk është thjesht nxitja e një proteste në vetvete, por kanalizimi i kësaj energjie masive drejt zgjidhjeve konkrete.
Ndërkohë që shkaqet e revoltave mbeten të prekshme dhe kërkojnë reagim, bota akademike po bën thirrje që narrativat e protestave të mos mbeten thjesht fjalë, por të shërbejnë si një urë kalimi për të identifikuar dhe arritur zgjidhje të qëndrueshme për sistemin.
Vjen nga fronti i mbështetjes juridike të protestuesve apo nga raporti i vështirë i pedagogut me studentët?
Ervis Çela: Nuk do i ndaja të dyja momentet, sepse në rolin e profesorit, pedagogut, ne kemi një mision. Të edukojmë studentët, të jemi pranë tyre.
Dhe sigurisht që në momentin që ata janë në një revoltë apo në një protestë, nuk mund të rrimë anash edhe thjesht të vëzhgojmë, por duhet t’i asistojmë me eksperiencën tonë, me mençurinë tonë për t’i edukuar dhe në ato kërkesa që ata bëjnë se sigurisht mosha e tyre, energjia e tyre si e gjithë rinisë shqiptare çon në ato kërkesa dhe në ato veprime që ndonjëherë mund të jenë pak të tepruara ose jo.
Por në fund të ditës është një revoltë nga një shkaku që i ka sjellë të gjitha këto. Dhe ajo që ne duhet të rregullojmë është se si mund të shkojë drejt një zgjidhje e gjitha kjo. Pra, vërtet ka një shkak, vërtet ka probleme, duhet të protestojmë karshi tyre, por nga ana tjetër duhet të identifikojmë dhe zgjidhjet për të shkuar drejt një situate se si mund të përmirësohen ato, jo thjesht dhe vetëm të ngelet në një narrativë proteste por drejt një zgjidhje të qëndrueshme.
Burimi:botasot.info
