Diandra Krivanjeva është një nga mijëra shqiptarët që pas shumë viteve pritje e probleme burokrarike, fitoi shtetësinë falë ligjit të inicuar nga Aleanca për Shqiptarët. Kjo fitore si duket i ka dhënë asaj motiv për tu aktivizuar edhe më shumë në të mirë të shoqërisë dhe vendlindjes.
E reja nga Tetova, Diandra Krivanjeva është aktivizuar në Aleancën për Shqiptarët dhe së fundmi ka shprehur ambicje për të qenë edhe në krye të proceseve, duke paraqitur edhe kandidaturën e saj për kryetare e Forumit Rinor të ASh-së në Tetovë.
Postimi i plotë:
Të nderuar qytetarë, e dashura rini! Sapo dorëzova kandidaturën time për të udhëhequr me Forumin Rinor të Aleancës për Shqiptarët, FRASH-Tetovë. Falë Programit politik të Aleancës për Shqiptarët dhe konzistencës së perfaqësuesve politik të saj ,nga një njeri apatrid (pa shtetësi), sot jam një qytetare si të gjithë ju, madje edhe me mundësinë për ti prijë rinisë së Tetovës, për ti dhënë një shtytje shtesë që përmes vrullit dhe entuziazmit rinor ti japim mbështetjen Aleancës për Shqiptarët të jetë perfaqësuese institucionale e shqiptarëve dhe jo vetem.
