Diar Ajrullahu, 15 vjeçari nga Maqedonia e Veriut, po mahnit me paraqitjet e tij në turneun ndërkombëtar të futbollit që po zhvillohet aktualisht në Shqipëri. I përzgjedhur për përfaqësuesen U-15 të Maqedonisë së Veriut, Diari po tërheq vëmendjen e trajnerëve dhe tifozëve me lojën e tij të pjekur, teknikën e jashtëzakonshme dhe inteligjencën taktike në fushë.
Sipas trajnerit të tij, Diari me shpejtësi, qartësi në pasime dhe vendosmëri në duele, po dëshmon se është një talent që premton shumë për të ardhmen e futbollit të RMV-së. Sipas vlerësimeve të ekspertëve sportiv, Ajrullahu është një nga emrat që mund të bëhet pjesë e ekipeve elitare gjatë viteve të ardhshme.
Ky turne ndërkombëtar në Shqipëri po shërben si një trampolinë e rëndësishme për karrierën e tij të ardhshme, ndërsa performanca e Diarit konfirmon se futbolli i ri në Maqedoninë e Veriut ka të ardhme të ndritur!