Bledar Devolli nuk është më trajneri i Dinamos. Humbja e fundit kundër Kukësit ka qëlluar fatale për trajnerin gjirokastrit, i cili i ka dhënë fund aventurës me ekipin kryeqytetas për mungesë të rezultateve pozitive.
Dinamo ka ndërprerë bashkëpunimin me 44-vjeçarin, i cili mori drejtimin e nëndetëses më 7 shkurt dhe në shtatë ndeshjet si trajner i parë arriti një fitore, një barazim dhe pesë humbje.
Postin e Devollit në pankinën e Dinamos pritet ta marrë italiani Rodolfo Vanoli, i cili ka drejtuar më parë ekipe në Itali, Slloveni dhe Zvicër.
