GazetaMax
Lajme

Doganierët shqiptarë nga 1 Maji me rroga më të larta, rregullohet statusi i tyre

Shkup, 21 Prill – Gjithsej 45 punonjës të Doganës së Maqedonisë nuk do të jenë më “administratorë”, por doganierë dhe me këtë, nga 1 maji do të kenë pagë për rreth 12 mijë denarë më shumë. Bëhet fjalë për të administratorët e shpërndarë kohë më parë nga Ministria për Sistem Politik në institucionet e vendit, ndërsa të njëjtit vazhdonin të kishin statusin e administratorit edhe pse punonin në Doganë.

Muharrem Asani, zëvendësdrejtori i Drejtorisë së Doganave të Maqedonisë së Veriut thotë se ndjehet i lehtësuar që për kaq shpejtë kohë, u rregullua njëra nga çështjet kryesore që tangonte një pjesë të madhe të punonjësve shqiptarë.

“Që ditën e parë kur mora detyrën e zëvendësdrejtorit në Drejtorinë e Doganave, prioritet kryesor e kam pasur rregullimin e punonjësve doganorë e që në sistematizim – kanë qenë si administratorë. Arritëm që për një kohë të shkurtër, të përmirësojmë statusin e 45 punonjësve shqiptarë të shpërndarë nga Ministria për Sistem Politik dhe tashmë, nga 1 maji, këta do jenë punonjës doganor – doganierë dhe me këtë, edhe pagat do të jenë më të mëdha dhe kushtet e punës më ndryshe se siç i kishin më parë”, thotë zëvendësdrejtori Asani.

Ndryshe, dje – të gjithë punonjësit i kanë marrë vendimet e reja të punës, ndërsa të njëjtit janë shprehur të kënaqur pasi më në fund, u zgjidh njëri ndër problemet kryesore të tyre.

Related posts

Filluan punimet për asfaltim në fshatin Zdunjë, Limani: Punimet pritet të përfundojnë muajin e ardhshëm

Gazeta Max

Gjukanoviq: E ardhmja e rajonit është pakthim europiane!

Gazeta Max

Mot me diell, me vranësira të vogla dhe temperaturë deri në 25 gradë Celsius

Gazeta Max