Një ngjarje tragjike ka ndodhur sot në fshatin Menkulas, në rrethin e Devollit, ku një mjet bujqësor tip zetor ka dalë nga rruga dhe është përmbysur, duke zënë poshtë drejtuesin e tij.
Si pasojë e aksidentit, drejtuesi 75-vjeçar, i cili ndodhej vetëm në momentin e ngjarjes, ka pësuar plagë fatale dhe ka ndërruar jetë në vendin e ngjarjes.
Policia ka mbërritur në vendin e aksidentit dhe ka nisur hetimet për të zbardhur shkaqet dhe rrethanat e këtij aksidenti tragjik. Sipas informacioneve paraprake, dyshohet se zetori ka humbur kontrollin gjatë kalimit në një terren të vështirë dhe është përmbysur në një kthesë.
