GazetaMax
Lajme

Eljesa Neziri: Prindërit e mi mësuan në Medresenë Isa Beu, e sot ëndrra e tyre u bë realitet

Drejtori i Entit Shtetëror të Pronësisë Industriale dhe anëtar i koalicionit VLEN, Eljesa Neziri, ka reaguar pas miratimit të Ligjit për Institucionet e Arsimit të Mesëm të Bashkësive Fetare, me të cilin Medreseja e Isa Beut zyrtarisht barazohet me të gjitha shkollat e tjera të mesme në vend.

“Sot ndiej krenari dhe emocion të veçantë. Me 80 vota PRO, Kuvendi miratoi Ligjin për Institucionet e Arsimit të Mesëm të Bashkësive Fetare. Nga sot, Medreseja e Isa Beut zyrtarisht njihet si shkollë e barabartë me të gjitha shkollat e tjera të mesme,” shkruan Neziri.

– Advertisement –

Ai këtë vendim e ka cilësuar si arritje të madhe me vlerë personale, duke kujtuar se prindërit e tij kanë mësuar në këtë medrese, ndërsa babai i tij, ish-luftëtar i UÇK-së, nuk jeton më.

“Për mua kjo nuk është thjesht një arritje ligjore, është histori familjare. Në bankat e kësaj medreseje kanë mësuar nëna dhe babai im. Babai, i cili më vonë u bë luftëtar i UÇK-së dhe që sot nuk jeton më, besonte se sakrifica e tij do t’i hapte rrugë një të ardhme më të drejtë për ne. Sot ndjej se ëndrra e tij dhe e shumë brezave po bëhet realitet,” shton ai.

Neziri përmbylli reagimin e tij me mesazhin: “Për këtë po punojmë si VLEN sepse ia VLEN!”

Related posts

Seanca të Komisionit për Mbrojtje dhe Këshillit Buxhetor të Kuvendit

Gazeta Max

Arsimtari godet nxënësin në një shkollë të fshatit Përshefcë

Gazeta Max

LSDM: Mickoski shfrytëzon festat për të gënjyer, nuk ka presion mbi deputetët e VMRO-së

Gazeta Max