GazetaMax
Lajme

Endrit Shala kandidat për deputet

Endrit Shala nga NISMA do të jetë kandidat për deputet nga ky subjekt politik.

Kështu së paku ka njoftuar vetë Fatmir Limaj.

“Endriti ka qenë shtylla e palëkundur e NISMA Socialdemokrate që nga fillimet e saj. Përgjatë viteve, ai ka dëshmuar se është më shumë se një politikan – ai mbi të gjitha është një mik, një bashkëpunëtor i besueshëm dhe një përfaqësues i denjë i interesave të qytetarëve të Kosovës”, ka shkruar ai ndër të tjera.

Njoftimi plotë:

Të dashur anëtarë dhe simpatizantë të NISMA Socialdemokrate, me kënaqësi dhe krenari të madhe, ju njoftoj për kandidatin tonë për deputet, Endrit Shala.
Endriti ka qenë shtylla e palëkundur e NISMA Socialdemokrate që nga fillimet e saj. Përgjatë viteve, ai ka dëshmuar se është më shumë se një politikan – ai mbi të gjitha është një mik, një bashkëpunëtor i besueshëm dhe një përfaqësues i denjë i interesave të qytetarëve të Kosovës.
Si ish-ministër, deputet dhe shef i Grupit Parlamentar të NISMA-s, Endriti ka treguar përkushtim të jashtëzakonshëm, integritet të lartë dhe guxim të pakompromis në mbrojtjen e interesave të popullit dhe të shtetit tonë. Për vite me radhë, kemi punuar krah për krah, duke ndarë sfidat më të mëdha dhe duke ndërtuar së bashku një vizion për një Kosovë më të drejtë, më të fuqishme dhe më të zhvilluar.
Endriti është simbol i ndershmërisë dhe besnikërisë – jo vetëm ndaj partisë sonë, por edhe ndaj qytetarëve të këtij vendi. Ai ka qenë zëri i fortë i NISMA-s në Kuvend dhe tani është koha që ai të rikthehet, për të qenë ai zë që i mungon Parlamentit.
Unë jam krenar që Endriti përfaqëson NISMA-n dhe qytetarët e Kosovës. Jam i bindur se ai do të vazhdojë të jetë një zë i fuqishëm për ju dhe një përfaqësues i denjë i besimit tuaj.

Related posts

Shefi i një kompanie pushon 90 për qind të punonjësve sepse inteligjenca artificiale është 98 për qind më efikase

Gazeta Max

Dogana konfiskoi 12 kilogramë ekstazi me vlerë prej 200 mijë eurove

Gazeta Max

Bullgaria tërheq ambasadorin e saj nga Shkupi

Gazeta Max