GazetaMax
Lajme

Enver Hoxhaj publikon njërin nga aeroplanët luftarak që bombardoi Serbinë

Hoxhaj publikon njërin nga aeroplanët luftarak që bombardoi Serbinë: Përjetë falënderues ndaj ShBA-së dhe Perëndimit.
Deputeti i PDK-së, Enver Hoxhaj ka publikuar një fotografi të aeroplanit luftarak të NATO-s që bombardoi Serbinë, e që thotë se ruhet në bazat ushtarake në Lituani.
Përmes një statusi në rrjetin social Facebook, Hoxhaj ka thënë se Kosova do të jetë përjetë falënderuese ndaj ShBA-së dhe Perëndimit për mbështetjen e vazhdueshme.
“Para 23 vitesh bota u bashkua që ta ndalojë gjenocidin serb në Kosovë. Sot, Kosova kujton ushtarët e NATO-s që humbën jetën gjatë bombardimeve që ndaluan gjenocidin dhe u është përjetë falenderuese. Ky aeroplan në fotografi është njëri prej të shumtëve të përfshirë në bombardimet e NATO-s dhe që tani ruhet në bazat ushtarake në Lituani. Përjetë falënderues ndaj ShBA-së dhe Perëndimit për mbështetjen e vazhdueshme në rrugëtimin dhe shtetndërtimin tonë”, ka shkruar Hoxhaj në Facebook, derisa ka shpërndarë edhe fotografinë e aeroplanit luftarak të NATO-s.

Related posts

Spasovski në Takimin e 17-të rajonal të rrjetit të ekspertëve për armë zjarri në Evropën Juglindore-SIFEN

Gazeta Max

Qytetarët të jenë përgjegjës kur i publikojnë të dhënat e tyre

Gazeta Max

Pendarovski: Lufta në Ukrainë solli krizë energjetike dhe sfida të sigurisë

Gazeta Max