Zëvendëskryeministri i parë Artan Grubi bashkë me drejtuesit e institucioneve vendore për ruajtjen e trashëgimisë kulturore ka vizituar sot lokalitetiten ku ditë më parë u gjet epitafi me mbishkrimin Dardanus.
Ai në një prononcim për media potencoi se aktivitetet ndërtimore janë ndërprerë dhe se për momentin po vazhdojnë gjurmimet arkeologjike të Qendrës Nacionale për Konzervim në Shkup.
Grubi siguroi opinionin se janë ndërmarrë të gjitha masat ligjore për ruajtjen dhe dërgimin e artefakteve të gjetura në Muzeun Arkeologjik të Maqedonisë së Veriut.
“Bashkë me drejtuesit e institucioneve kompetente vendore për ruajtjen e trashëgimisë kulturore vizitova sot lokacionin ku ditë më parë u gjet epitafi me vlerë të madhe arkeologjike me mbishkrimin “Dardanus”. Në vendngjarje janë në rrjedhë e sipër gjurmimet e mëtejshme arkeologjike që po i zhvillon Qendra Nacionale për Konzervim në Shkup dhe dua të siguroj opinionin se janë ndërmarrë të gjitha masat e parapara ligjore për ruajtjen dhe dërgimin e çdo artefakti të gjetur në këtë lokacion në Muzeun Arkeologjik të Republikës së Maqedonisë së Veriut” – ka shkruar Grubi në faqen e tij zyrtare në Facebook.
https://facebook.com/100044385821029/posts/pfbid02Dv4tPiSjsGorvUh3hcyGuK6oGKPgJwCiwhqwn8pEsEPPGeApSF9XwLohqhnEguS7l/
