GazetaMax
Lajme

Faton Selami pritet të jetë Avokat i Popullit, në vend të Naser Ziberit

Komisioni për Çështje të Zgjedhjeve dhe Emërimeve, në mbledhjen e sotme, ka propozuar Faton Selamin si kandidat për postin e Avokatit të ri të Popullit në Maqedoninë e Veriut.

Faton Selami aktualisht është udhëheqës i Njësisë Rajonale të Ministrisë së Drejtësisë në Tetovë, në sektorin për ndihmë juridike falas dhe sistem politik. Kërkesa për kandidaturën e tij është paraqitur nga deputeti Bekim Qoku nga koalicioni VLEN.

Selami është jurist i diplomuar dhe magjistër i shkencave juridike nga Fakulteti Juridik i Universitetit Shtetëror të Tetovës. Ai ka dhënë edhe provimin e jurisprudencës dhe atë noterial.

Për ta zgjedhur Selamin në postin e Avokatit të Popullit, nevojitet mbështetja e të paktën 61 deputetëve në Kuvend, si dhe sigurimi i shumicës së Badenterit – që nënkupton të paktën 20 vota “pro” nga 39 deputetët që përfaqësojnë komunitetet joshumicë.

Nëse kalon votimin në Kuvend, Faton Selami do të jetë përfaqësuesi i parë shqiptar në këtë pozitë të rëndësishme për mbrojtjen e të drejtave të qytetarëve.

Related posts

Shkup-Bllacë, 18 milionë euro për 1 kilometër dhe autostrada askund?

Gazeta Max

Pas përleshjes në veri një person ndalohet për 48 orë

Gazeta Max

Stojanovska: LSDM po kërkon shpëtim dhe të ndajë përgjegjësinë

Gazeta Max