Me rastin e 28 shtatorit – Ditës Ndërkombëtare të Boshnjakëve, kryetari i LSDM Venko Filipçe, uroi komunitetin boshnjak duke theksuar rëndësinë e tij në shoqërinë multietnike të vendit.
“Boshnjakët janë pjesë përbërëse dhe e rëndësishme e shoqërisë sonë multietnike. Me traditën, kulturën dhe vlerat e tyre ata e pasurojnë dhe forcojnë jetën e përbashkët në Maqedoninë e Veriut. Si pjesë e shoqërisë sonë, boshnjakët kanë marrë pjesë në të gjitha zhvillimet historike e politike të rëndësishme për përparimin e shtetit,” tha Filipçe.
Ai shtoi se mbetet e rëndësishme që të gjithë qytetarëve t’u garantohen të drejtat, duke respektuar traditat, kulturën dhe gjuhën e tyre. “Duke e kultivuar bashkëjetesën përmes respektimit të diversitetit etnik, kulturor dhe fetar, ne krijojmë një të ardhme më të mirë për të gjithë,” përfundoi Filipçe.
