“Një pushtet që e humb besimin e popullit, shpik armiq për ta fshehur të vërtetën,” deklaroi kryetari i LSDM-së, dr. Venko Filipçe, në tubimin qytetar me moton “Po luftojmë për shtëpinë tonë”, mbajtur në Karposh.
Kryetari Filipçe e dënoi fushatën e zezë të VMRO-DPMNE-së, duke theksuar se ajo është dëshmi e paaftësisë dhe e frikës nga populli.
“Një pushtet që zhvillon fushatë negative kundër opozitës nuk është vetëm pushtet i paaftë — ai është pushtet që nuk dëshiron përparim, nuk do dialog dhe nuk pranon kompromise. Për një pushtet të tillë, përparimi i shtetit është armik,” theksoi Filipçe.
Ai shtoi se “ky pushtet ushqehet dhe mbahet gjallë nga përçarjet e brendshme, nga varfëria që e kontrollon përmes korrupsionit dhe nga kaosi që krijon apati”.
“Unë nuk do të futem në baltën e tyre, por do të vazhdoj t’i zbuloj dhe t’i demaskoj. Le të përdridhen në nacionalizëm, patriotizëm të rremë dhe në paaftësinë e tyre,” përfundoi kryetari i LSDM-së, Venko Filipçe, në fjalimin e tij mbrëmjen e sotme në Karposh.
