Angazhimi konstruktiv është një proces i dyanshëm: pjesëmarrje do të thotë, nga njëra anë, të përfshihesh dhe, nga ana tjetër, të marrësh përgjegjësinë. Vendimmarrësit kanë nevojë për mbështetjen e të rinjve si partnerë të fuqishëm. Prandaj, inkurajoj të flisni dhe të bëni zërin tuaj të dëgjohet.
Kështu iu është drejtuar të rinjve në Prishtinë, Përfaqësuesi Special i Kryesuesit të OSBE-së, Memet Zhaku.
Si Përfaqësues Special i Kryesuesit Bujar Osmani, Zhaku është zotuar se angazhohet maksimalisht për të fuqizuar rolin e të rinjve. Sipas tij, duke inkurajuar aktivizmin e të rinjve me OSBE-në, përfitojmë nga energjia dhe vullneti i të rinjve.
“Maqedonia e Veriut është shembull i punës së suksesshme me të rinjtë që ndihmoi shumë gjenerata të kapërcejnë të kaluarën e vështirë dhe të shikojnë drejt një të ardhme më të ndritur”, ka thënë mes tjerash Zhaku.
