Ministri i Brendshëm gjerman, Alexander Dobrindt njoftoi të shtunën planet për të rishikuar ligjin e sigurisë së aviacionit të vendit, për t’u dhënë forcave të armatosura një rol formal në mbrojtjen nga dronët, duke përfshirë autoritetin për të rrëzuar avionë armiqësorë.
Dobrindt e përshkroi rritjen e fundit të inkursioneve me dronë mbi Gjermaninë dhe vendet fqinje si pjesë të një “kërcënimi të vazhdueshëm hibrid” që varion nga kuadrokopterët e vegjël komercialë deri te tufat e koordinuara të sulmeve.
“Po përjetojmë një garë armatimesh, midis kërcënimeve me dronë dhe mbrojtjes nga dronët”, tha Dobrindt.
“Kjo është një garë që nuk mund ta përballojmë ta humbasim”, vijoi tutje ai.
Lëvizja legjislative vjen mes një fluksi ndërhyrjesh të dronëve në të gjithë Danimarkën dhe Gjermaninë veriore, të cilat kanë intensifikuar shqetësimet mbi sigurinë dhe spiunazhin. Në Danimarkë, shumë aeroporte dhe instalime ushtarake kanë raportuar pamje të dronëve ditët e fundit. Aeroporti kryesor i Kopenhagenit u mbyll për disa orë më parë këtë javë, pasi dronë të mëdhenj u vunë re duke qëndruar pezull në hapësirën ajrore të kufizuar.
